Adolygiad Mynwentydd 2026

Adolygiad blynyddol o wasanaeth mynwentydd y cyngor.

Gwnaed cyfres o welliannau i wasanaeth mynwentydd y cyngor yn dilyn arolwg cyhoeddus ac adolygiad mewnol yn 2024. Fodd bynnag, mae'r gwasanaeth yn ceisio gwella’n barhaus, a hoffai eich adborth i helpu i sicrhau bod y gwasanaeth yn parhau i ddiwallu anghenion trigolion a’u teuluoedd, yn Nhorfaen.

Mae'r holiadur isod yn ymdrin â phob agwedd ar ein mynwentydd - Mynwent Blaenafon, Mynwent Panteg, Mynwent Cwmbrân a Llwyncelyn - a'i nod yw casglu gwybodaeth gan deuluoedd i'n helpu i wella'r gwasanaeth. Mae'r cwestiynau hyn yn cynnwys eich profiad gydag aelodau staff, yn ystod angladd ac ar ôl angladd, yn ogystal â thiroedd a cherrig beddau yn y mynwentydd.

Bydd yr ymgynghoriad o ddydd Llun 18fed Mai tan hanner nos ddydd Sul, 14eg Mehefin, 2026.

Sesiynau galw heibio’r ymgynghoriad:

• Dydd Llun 1 Mehefin (10am-2pm) ym Mynwent Llwyncelyn a Chwmbrân Llwyncelyn Drive, Cwmbrân, NP44 7PF.

• Dydd Mawrth 2 Mehefin (10am-2pm) ym Mynwent Blaenafon, Varteg Road, Blaenafon NP4 9DY.
  

• Dydd Mercher, 3 Mehefin (10am-2pm) ym Mynwent Panteg, The Highway, Pont-y-pŵl NP4 8HW

Rhannwch eich barn am y mynwentydd hyn a'r cyswllt rhyngoch chi â'r gwasanaeth, drwy lenwi’r holiadur ar y dudalen hon.